فرمان الہی
نماز کے اوقات
لاہور، اسلام آباد (مانیٹرنگ ڈیسک، ایجنسیاں) ملک میں مسلسل دو ماہ سے مہنگائی کی شرح میں کمی کا رجحان جاری ہےآلو،پیاز،دال ماش، ٹماٹر، چاول، پٹرول سستا، ویجیٹیبل گھی، ایل پی جی کی قیمتوں میں بھی کمی، انڈے، چکن، چینی، لہسن، کپڑے دھونے کا صابن مہنگا۔ حالیہ ہفتے کے دوران مہنگائی کی شرح میں مزید کمی واقع ہوئی ہے۔ ادارہ شماریات کی رپورٹ کے مطابق ہفتہ وار مہنگائی بڑھنے کی سالانہ شرح 0.27 فیصد کی سطح پر آگئی جبکہ سالانہ بنیادوں پر بھی مہنگائی کی شرح میں اضاافے کی رفتار کم ہوکر 1.21فیصد کی سطح پر آگئی۔ رپورٹ کے مطابق ایک ہفتے کے دوران 11اشیاء مہنگی، 16سستی ہوئیں جبکہ 24کی قیمتوں میں استحکام رہا۔ ایک ہفتے کے دوران کیلے کی قیمتوں میں 11.89فیصد، انڈوں کی قیمتوں میں7.80فیصد، چکن کی قیمتوں میں 4.47 فیصد، لہسن کی قیمت میں 1.08فیصد، چینی کی قیمت میں0.65فیصد، بیف کی قیمت میں 052فیصد، مٹن کی قیمت میں 0.22فیصد سگریٹ کی قیمتوں میں 0.49فیصد، دال مسور کی قیمت میں 0.15فیصد اور کپڑے دھونے کے صابن کی قیمتوں میں 0.07 فیصد اضافہ ہوا۔
