فرمان الہی
نماز کے اوقات
اسلام آباد (خبر نگار،مانیٹر نگ ڈیسک )وفاقی حکومت نے شکیل آفریدی کے بدلے عافیہ صدیقی کی رہائی کی تجویز مسترد کردی، اس ضمن میں وفاقی حکومت نے اسلام آباد ہائیکورٹ میں جواب جمع کرایا کہ عافیہ کی رہائی کیلئے شکیل آفریدی کی حوالگی کی تجویز قابل عمل نہیں،امریکا میں قید عافیہ صدیقی کے امریکی وکیل کلائیو اسمتھ نے یہ تجویز دی تھی، پاکستان ، امریکا مابین قیدی تبادلے کا معاہدہ نہیں، تجویز قابل عمل نہیں،اٹارنی جنرل ،عافیہ کی پٹیشن پر تحفظات ہیں،۔ایڈیشنل اٹارنی جنرل منور اقبال دوگل نے عافیہ کی امریکی عدالت میں دائرپٹیشن کےڈرافٹ پر تحفظات کا ااظہار کیا ۔ جسٹس اعجاز اسحاق نے اپنے ریمارکس میں کہا کہ عافیہ صدیقی کی رہائی کی پٹیشن کی حمایت سے پیچھے ہٹنے کے حکومتی بیان پرحیرت ہے۔عدالت نے حکم دیاکہ ایڈیشنل اٹارنی جنرل حکومت سے ہدایات لےکربتائیں کہ عافیہ صدیقی کی پٹیشن پر کیا اعتراض ہے؟ایڈیشنل اٹارنی جنرل نے کہا کہ شکیل آفریدی اور عافیہ صدیقی دونوں پاکستانی ہیں، جبکہ پاکستان اور امریکا کے درمیان قیدیوں کے تبادلے کا کوئی معاہدہ بھی نہیں ہے۔
