فرمان الہی
نماز کے اوقات
وفاقی وزارتِ صحت نے پرائیویٹ میڈیکل اور ڈینٹل کالجز کی فیس 12 لاکھ روپے سالانہ مقرر کرنے کا فیصلہ کر لیا۔
وفاقی وزارتِ صحت کی جانب سے ایک اعلامیے میں بتایا گیا ہے کہ 12 لاکھ روپے فیس رواں سال سے لاگو ہو گی جبکہ اس سے قبل پرائیویٹ میڈیکل کالجز طلبہ سے سالانہ 30 لاکھ روپے تک فیس لے رہے تھے۔
حکام کے مطابق ہائی پاور کمیٹی نے اپنی تجویز نائب وزیرِ اعظم اسحاق ڈار کو بھجوا دی ہیں، یہ کمیٹی وفاقی وزارتِ صحت اور پی ایم ڈی سی کے افسران پر مشتمل ہے۔
حکام نے بتایا ہے کہ اسحاق ڈار کی منظوری کے بعد یہ تجویز پی ایم ڈی سی کونسل سے منظور کرائی جائے گی۔
وفاقی وزارتِ صحت کے حکام نے یہ بھی بتایا ہے کہ اس حوالے سے اسحاق ڈار کو دو خطوط لکھ چکے ہیں، اُن کی منظوری اشد ضروری ہے۔
