• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد ہائیکورٹ ، ریڑھی بانوں اور حکام کو مل بیٹھ کر معاملہ حل کرنیکی ہدایت

میرا شہر
اسلام آباد
28 فروری ، 2025
اسلام آباد(جنگ رپورٹر)اسلام آباد ہائیکورٹ نے ریڑی بانوں کے خلاف کارروائی سے متعلق کیس میں درخواست گزار ریڑھی بانوں اور ایم سی آئی حکام کو مل بیٹھ کر معاملہ حل کرنے کی ہدایت کرتے ہوئے کیس کی مزید سماعت ایک ہفتہ کے لئے ملتوی کردی ۔ جسٹس سرداراعجازاسحاق خان پر مشتمل سنگل بنچ نے جمعرات کے روز کیس کی سماعت کی تو درخواست گزار ریڑی بانوں کی جانب سے ایمان مزاری اور ہادی علی چٹھہ ایڈوکیٹ پیش ہوئے۔ ایم سی آئی حکام نے کہاکہ ایم سی آئی صرف ان کے لائسنس کو دیکھتی ہے۔جسٹس سرداراعجاز اسحاق خان نے ریمارکس دیئے کہ یہ کوئی قانونی بات نہیں ہے بلکہ کوآرڈینیشن کی بات ہے،سی ڈی اے، ایم سی آئی آپس میں کوآرڈینیٹ کر لیں تاکہ یہ مسئلہ کھڑا نہ ہو۔عدالت نے ایم سی آئی ، سی ڈی اے ، ٹریفک پولیس اور ریڑی بانوں کو معاملہ حل کرنے کا حکم دیتے ہوئے کہاکہ فریقین معاملے کے حل کی دستاویز آئندہ سماعت پر عدالت پیش کریں۔
اسلام آباد سے مزید