• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اثر چوہان تحریروں میں زور زبر دستی قبول نہیں کرتے تھے ، مقررین

میرا شہر
اسلام آباد
28 فروری ، 2025
اسلام آباد ( ایوب ناصر، خصوصی نامہ نگار ) چیئرمین پیمرا سلیم بیگ نے کہا ہے کہ اثر چوہان ایک خودار اور سیلف میڈ صحافی تھے جو اپنی تحریروں میں زور زبر دستی قبول نہیں کرتے تھے ،50 سالہ تعلقات کے باوجود انہوں نے اپنے لئے کوئی کام نہیں کہا۔ جمعرات کو پاکستان کلچرل فورم اور نیشنل پریس کلب کے اشتراک سے منعقدہ اثر چوہان تعزیتی ریفرنس سے خطاب کرتے ہوئے چیئر مین پیمرا نے کہا کہ چار پانچ سال سےانہیں کہہ رہا تھا کہ اپنی سوانح حیات لکھیں ۔ تقریب میں مرحوم دانش وار کے بھائی لیاقت چوہان نے بھی شرکت کی ۔ سابق وفاقی سیکرٹری سید انور محمود نے کہا کہ مرحوم ایک مکمل انسان اور بہت سی خوبیوں کے مالک تھے اور پاکستانیت سے بھرے پڑے تھے ۔ سابق سیکرٹری اطلاعات و نشریات اشفاق گوندل نے کہاکہ سرگودھا سے تعلق تھا اخباری نامہ نگار تھے ، لاہور منتقل ہوئے اور بڑے آدمیوں میں شامل ہو گئے ۔ پاکستان کلچر ل فورم کے صدر ظفر بختاوری نے مرحوم سے طویل رفاقت کا اظہار کرتے ہوئے کہا کہ بہت اچھے دوست تھے ،دوستوں کو ہمیشہ یاد رکھتے تھے۔ سابق وفاقی وزیر جے سالک نے کہا کہ وہ میرے بھی وہ دوست تھے اپنے کالموں میں ہمیشہ یاد رکھتے تھے ۔ تقریب سے پریس کلب کے صدر اظہر جتوئی، عمران گل نے بھی خطاب کیا ۔ تقریب کے اختتام پر علامہ سید قمر حیدر زیدی نے اجتماعی دعا کرائی۔
اسلام آباد سے مزید