فرمان الہی
نماز کے اوقات
کراچی( افضل ندیم ڈوگر)نئی امریکی سفری پابندیاں، فہرست میں پاکستان شامل نہ ہونے کا امکان ہے ۔ اس سلسلے میں حتمی اعلان 13مارچ کو متوقع ہے 12ممالک ۔ممکنہ طور پر سفری پابندی کی زد میں رہیں گے اس سلسلے میں امریکہ میں پاکستانی سفارتی عملہ اور سرکردہ شخصیات پرامید ہیں۔ ایسے ہی ذرائع نے نام ظاہر نہ کرنے کی شرط پر بتایا کہ اس حوالے سے پاکستان کے خلاف زہریلے پروپیگنڈہ کرنے میں بھارتی امریکن لابی انتہائی ملوث رہی ہے۔ اس کے ساتھ ہی پاکستانی امریکن ڈاکٹرز کا گروپ بھی سازشیں کر رہا ہے۔ تاہم حال ہی میں امریکہ کو مطلوب ایک خطرناک دہشت گرد کی پاکستان میں گرفتاری اور امریکہ کو حوالگی کے بعد ٹرمپ انتظامیہ اور پاکستانی اسٹیبلشمنٹ میں کافی قربت دیکھنے میں آئی ہے۔ ذرائع کے مطابق اس دوران پاکستانی اسٹیبلشمنٹ اور ٹرمپ انتظامیہ کے درمیان حالیہ رابطے میں سفری پابندیوں کی فہرست سب سے زیادہ زیر بحث رہی۔ سفارتی ذرائع کے مطابق ٹرمپ انتظامیہ کی جانب سے پاکستانی شہریوں پر امریکی سفری پابندیوں کے حوالے سے نرمی کا فیصلہ متوقع ہے۔ تاہم ذرائع کے مطابق دیگر 12 ممالک ۔ممکنہ طور پر سفری پابندی کی زد میں رہیں گے۔ اس سلسلے میں حتمی اعلان 13مارچ کو متوقع ہے۔ ذرائع کے مطابق ٹرمپ انتظامیہ کی پالیسی کے مطابق ائندہ پاکستان سے زچگی کیلئے امریکہ پہنچنے والی پاکستانی خواتین کی امریکی ایئرپورٹس پر سخت جانچ پڑتال اور ایسے کیسز کی حوصلہ شکنی کی جائے گی اور ورک اور اسٹوڈنٹ ویزوں کے حامل پاکستانیوں کی بھی امریکہ میں سخت چھان بین کی جائے گی۔ پاکستان سے امریکہ جانے والی ایئر لائنز کیلئے ممکنہ طور پر نئی سفری ایڈوائزری جاری کی جا سکتی ہے۔
