• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سمندری طوفان شکتی کراچی سے 360 کلومیٹر دور، بارش کا امکان

آج کا اخبار
اہم خبریں
05 اکتوبر ، 2025
کراچی (آئی این پی )شمال مشرقی بحیرہ عرب میں ڈیپ ڈپریشن طوفان میں تبدیل ہوگیا۔ سمندری طوفان شکتی بحیرہ عرب میں 6اکتوبر تک رہ سکتا ہے۔ سمندری طوفان شکتی کراچی کے جنوب میں 360 کلو میٹر دور ہے، طوفان کے پیش نظر کراچی سمیت سندھ اور بلوچستان کے مختلف علاقوں میں آئندہ 24 گھنٹوں میں بارش کا امکان ہے۔ ماہی گیروں کو 5 اکتوبر تک گہرے سمندر میں نہ جانے کی ہدایت کی گئی ہے۔ سمندری طوفان شکتی کے24گھنٹوں کے دوران شدید سمندری طوفان میں تبدیل ہونے کا خدشہ بھی ظاہر کیا گیا ہے۔ بتایا جارہا ہے کہ طوفان کے مرکز میں ہوا کی رفتار 75کلو میٹر فی گھنٹہ رہے گی، طوفان کے دوران سمندر میں طغیانی بھی رہے گی۔ ذرائع کے مطابق طوفان کیلئے شکتی نام سری لنکا کا تجویز کردہ ہے جس کا مطلب طاقت ہے۔
اہم خبریں سے مزید