فرمان الہی
نماز کے اوقات
اسلام آباد ( رانا غلام قادر ) وفاقی و صوبائی افسران کی گریڈ 19 میں ترقی کیلئے لازمی مِڈ کیریئر مینجمنٹ کورس کیلئے نامزد افسران میں مزید ردو بدل کیا گیا ۔ گریڈ18کے 15 افسران کی اضافی نامزدگی کی گئی ، مِڈ کیریئر مینجمنٹ کورس 7 اپریل سے 13 جون 2025 تک بیک وقت ʼنیپا کراچی، لاہور، پشاور، اسلام آباد، کوئٹہ میں منعقد ہو گا، نامزد افسران کو 4 اپریل 2025 کو متعلقہ تربیتی مقام پر رپورٹ کرنے کی ہدایت کی گئی ہے۔پاکستان ایڈمنسٹریٹو سروس سے شیر یار عارف خان، ہوم ڈیپارٹمنٹ، پنجاب، ڈپٹی سیکریٹری، فنانس ڈیپارٹمنٹ، حکومت سندھ فاطمہ بشیر، پولیس سروس سے بشریٰ جمیل (ایس پی، پی ٹی سی، لاہور)، اویس شفیق، ایڈیشنل ایس پی آپریشنز، لاہور کینٹ، کابینہ ڈویژن، نیشنل آرکائیوز آف پاکستان میں تعینات ڈپٹی ڈائریکٹر سجاد حسین، پاکستان آڈٹ اینڈ اکاؤنٹس سروس کے ڈپٹی ڈائریکٹر سمیع اللہ خان، حکومتِ سندھ کے افسران مشہود احمد قریشی، شفاعت حسین، عبدالوہاب، ایکس پی سی ایس کے عبدالغفور دھامرہ (ایڈیشنل سیکریٹری، بی او آر، سندھ، پوسٹل گروپ کے افسران ثمن شیرازی، رئیسہ اتاچی، حن سرفراز، فیڈرل بورڈ آف ریونیو سے نثار علی سومرو، آفس مینجمنٹ گروپ سے ڈاکٹر عائشہ شوکت کی اضافی نامزدگی کی گئی ، اسٹیبلشمنٹ ڈویژن نے ریکٹر نیشنل سکول آف پبلک پالیسی لاہور کو مراسلہ ارسال کر دیا ۔
