فرمان الہی
نماز کے اوقات
اسلام آباد(ساجد چوہدری ) نیشنل یونیورسٹی آف سائنس اینڈ ٹیکنالوجی (نسٹ) عالمی درجہ بندی میں اپنا مقام مزید بلند کرنے میں کامیاب رہی ، کیو ایس سبجیکٹ رینکنگ 2025میں 17درجے ترقی کرتے ہوئے اب نسٹ 127ویں نمبر پر پہنچ گئی ہے
2025کی درجہ بندی کے مطابق 4 مضامین میں نسٹ کا شمار دنیا کی 200بہترین یونیورسٹیوں میں کیا گیا ہے جن میں کمپیوٹر سائنس، ریاضیات، کیمیکل انجینئرنگ اور الیکٹریکل انجینئرنگ شامل ہیں ، مجموعی طور پر 11شعبوں میں نسٹ کی درجہ بندی میں بہتری آئی جبکہ 5 شعبوں میں نسٹ نے اپنی پوزیشن برقرار رکھی۔
اس کے علاوہ مزید جن دو اہم شعبوں میں بھی نسٹ نے خاطر خواہ ترقی کی ہے ان میں شامل ہیں نیچرل سائنسز جس میں 72 درجے بہتری کے ساتھ نسٹ کا عالمی درجہ 322 جبکہ سوشل سائنس میں 39 درجے ترقی کے ساتھ نسٹ کا عالمی درجہ 361 ہوگیا ہے
کیو ایس 2025 کی درجہ بندی میں نسٹ کے وقار میں اضافہ نسٹ کے ترقی کے سفر میں اہم سنگ میل کی حیثیت رکھتا ہے اور اس امر کا مظہر ہے کہ نسٹ موجودہ دور کے نئے ابھرتے ہوئے تعلیمی شعبوں میں درجہ کمال تک پہنچنے کی بھرپور صلاحیت کی حامل یونیورسٹی ہے۔
