فرمان الہی
نماز کے اوقات
کراچی (اسٹاف رپورٹر )مجلس وحدت مسلمین کراچی ڈویژن کی جانب سے مقامی لان میں دعوت افطار کا اہتمام کیا گیا جس میں مختلف سیاسی و مذہبی جماعتوں کے قائدین نے شرکت کی بعد افطار ایم ڈبلیو ایم کی شہدائے راہ مقاومت کانفرنس سے خطاب کرتے ہوئے سربراہ سنیٹر علامہ راجہ ناصر عباس جعفری کا کہنا تھا کہ مشرق وسطیٰ میں خرابی حالات کی تمام تر ذمہ داری یورپی ممالک پر عائد ہوتی ہے،سامراجی قوتوں نے فلسطینیوں سے ان کی زمین سے بے دخل کیا یہودی کالونیاں بنائی گئیں، اسرائیل کا نا جائز وجود پوری دنیا کیلئے خطرہ بنتا جارہا تھا ، مقاومتی قوتوں حماس، حزب اللہ، انصار اللہ نے گریٹر اسرائیل کے منصوبے کو خاک میں ملا دیا،ناقابل تسخیر اسرائیل بے ساکھیوں پر کھڑا ہے ، مشرق وسطیٰ میں اسرائیل کی شکست امریکا و یورپی ممالک کی شکست ہے،یورپی ممالک جمہوریت کا جھوٹا جھنڈا اٹھائے ہوئےہیں، طوفان اقصیٰ سے پہلے دنیا بھر میں غزہ بربریت کے خلاف اس طرح احتجاج نہیں ہوا ، آج یورپی یونیورسٹیز میں احتجاج کیا جارہا ہے اور غزہ فلسطین پر ہونے والے احتجاج نے خود یورپی ممالک کے دوغلے جمہوری اصولوں کا چہرہ بے نقاب کر دیا ،انہوں نے کہا غزہ فلسطین کے عوام اگر اسرائیل کو تسلیم کر لیتے تو خطہ میں پھر پاکستان بھی نہیں رہتا ،غزہ کی جنگ مسلم امہ کی جنگ ہے،انہوں نے کہاکہ اردن نے اسرائیل کے ساتھ مل کر شام کی حکومت کو ختم کیا،بہت جلد اسرائیل کی حمایت کرنے والے شکست سے دو چار ہوں گے،انہوں نے کہا ملک میں اسرائیلی مصنوعات کا بائیکاٹ کیا جائے،جمعتہ الوداع آنے والے یوم القدس کو ملکی عوام دنیا بھر کیلئے مثالی بنائیں،کانفرنس سے نائب امیر جماعت اسلامی کراچی مسلم پرویز ، ایم کیوایم رہنما ممبر صوبائی اسمبلی عادل عسکری سمیت دیگر سیاسی و مذہبی جماعتوں کے رہنماوں نے خطاب کیا، دعوت افطار میں علامہ ناظر عباس تقوی، ظفر اقبال، سرباز عبدالرب درانی، علامہ مفتی داود، علامہ مرتضیٰ رحمانی، آئی ایس او،ہیت آئمہ و علماء مساجد، مجلس زاکرین امامیہ کے رہنما موجود تھے۔
