• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوم پاکستان کی مناسبت سے سپورٹس فیسٹیول کا انعقاد خوش آئند ،لیاقت لہڑی

میرا شہر
کوئٹہ
19 مارچ ، 2025
کوئٹہ (خ ن) محکمہ کھیل حکومت بلوچستان کے زیر اہتمام صوبےبھر میں جاری سپورٹس فیسٹول یوم پاکستان کی مناسبت سے کھیلوں کے مقابلے جاری ہیں ، ان میں فٹسال ٹورنامنٹ، ووشو ٹورنامنٹ، باسکٹ بال کے مقابلوں کا بھی آغاز ہوگیا۔ فٹسال ٹورنامنٹ کا آغاز سیٹلائٹ ٹاؤن کیو ڈی اے گراونڈ میں ہوا۔ افتتاحی تقریب کے مہمان خاص پاکستان پیپلز پارٹی کے رہنما رکن اسمبلی پارلیمانی سیکرٹری لیاقت علی لہڑی تھے ۔ جس کا افتتاح بلوچستان اولمپک ایسوسی ایشن کے جنرل سیکرٹری شیر محمد ترین نے کیا۔ ووشو کے مقابلے ایوب سپورٹس کمپلیکس مارشل آرٹس جمنازیم میں شروع ہوئے ۔ باسکٹ بال کے مقابلوں میں کوئٹہ کی 6 ٹیموں نے حصہ لیا جبکہ ووشو کے مقابلوں 7 مختلف ویٹ کیٹیگریز ہیں۔ ایونٹ میں کوئٹہ سے 35 کھلاڑیوں نے حصہ لیا ۔ فٹسال ٹورنامنٹ کے مہمان خصوصی میر لیاقت علی لہڑی نے باقاعدہ طور پر ٹورنامنٹ کا افتتاح کیا۔ اس موقع پر آرگنائزنگ کمیٹی کے ممبر عبدالباقی ، محمد صادق سمیت تماشائی موجود تھے، افتتاحی تقریب کے موقع پر مہمان خصوصی کا کھلاڑیوں سے تعارف بھی کرایا گیا۔ میر لیاقت علی لہڑی نے اس موقع پر بات چیت کرتے ہوئے کہا ہے کہ 23 مارچ یوم پاکستان کی مناسبت سے سپورٹس فیسٹول کا انعقاد خوش آئند ہے اس سے کھلاڑیوں کو کھیلنے کے مواقع میسر آئیں گے۔ بلوچستان حکومت کھیلوں کے فروغ اور کھلاڑیوں کو کھیلنے کے مواقع فراہم کے لیے کوشاں ہے۔ انہوں نے کہا کہ کیو ڈی اے گراونڈ میں مصنوعی گراس لگانے کےلیے آئندہ مالی سال کے پی ایس ڈی میں شامل کریں گے۔ لیاقت علی لہڑی نے کہا ہے کہ صوبے میں امن و امان کی مخدوش صورتحال کے باوجود تماشائیوں کی بڑی تعداد میچ دیکھنے کے لیے گراونڈ میں موجودگی قابل تحسین ہے۔ لیاقت علی لہڑی کا مزید کہنا تھا کہ اپنے نوجوانوں کو کھیلوں کی طرف راغب کرینگے تاکہ وہ منشیات جیسی لعنت سے بچ سکے اور کھیلوں میں حصہ لیکر اپنے ملک اور صوبے کا نام روشن کریں۔
کوئٹہ سے مزید