• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وکلاء کو حق دلانا ،انصاف کا بول بالا ، حقوق پر سمجھوتا نہ کرنا مشن ہے،یاسر خٹک

میرا شہر
پشاور
19 مارچ ، 2025
پشاور(نیوز رپورٹر )پشاور ہائیکورٹ بار کی صدارت کیلئے گرینڈ الائنس کے امیدوار یاسرخٹک ایڈووکیٹ نے کہا ہے کہ وکلاء ملک کی آئین کی بحالی میں ہر وقت ہراول دستے کا کردار ادا کرتے ہیں ہمارا مشن وکلاء کو انکا جائز حق دینا اور ملک میں انصاف کا بول بالا کرنا ہے اس ضمن میں وکلاء برادری کے حقوق پر کوئی سمجھوتا نہیں کیا جائے گا گزشتہ روز خیبر پختون خوا کے مختلف وکلاء وفود سے بات چیت کرتے ہوئے ان کا کہنا تھا کہ اس وقت ملک میں حالات سنگین ہیں اس کے لئے ایک مضبوط بار کا ہونا ضروری ہے۔ انہوں نے کہا کہ بار اور بنچ میں بہترین ہم آہنگی پیدا کرنا اس کے ایجنڈے میں شامل ہے اس کے ساتھ ساتھ وکلاء کو ہاؤسنگ اور طبی سہولیات کی فراہمی بھی ان کی ترجیحات کا حصہ ہے ۔یاسرخٹک ایڈووکیٹ نے وکلاء پر زور دیا کہ وہ ہائیکورٹ بار کے الیکشن میں اپنے ووٹ کے استعمال کے دوران ان کے پینل کو کامیاب کریں تاکہ وکلاء کو اس کا جائز حق دیا جاسکے انہوں نے کہا کہ گزشتہ ادوار میں بھی انہوں نے کبھی بھی وکلا کے حقوق پر سودے بازی نہیں کی بلکہ ہر موقع پر وکلاء کے شانہ بشانہ کھڑے رہے۔
پشاور سے مزید