• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

JUI کے رہنما اورسابق رکن پارلیمنٹ حافظ حسین احمد انتقال کرگئے

آج کا اخبار
اہم خبریں
20 مارچ ، 2025
اسلام آ باد ( نیو زرپورٹر) جمعیت علمائے اسلام کے سینئر رہنما، ممتاز اسلامی اسکالر اور سابق رکنِ قومی و سینیٹ اسمبلی حافظ حسین احمد انتقال کر گئے۔ ان کی عمر تقریباً 74برس تھی۔ خاندانی ذرائع کے مطابق وہ کچھ عرصے سے علیل تھے۔ ہفتے میں دوروز ان کا ڈائیلائسز ہورہا تھا سیاست کا آغاز 1973 میں بلوچستان کی سیاست سے کیا، دو بار ر کنِ قومی اسمبلی اور ایک بار سینیٹر منتخب ہوئے وزیرِ اعظم محمد شہباز شریف مولانا فضل الرحمان سمیت دیگر مذہبی و سیاسی رہنماؤں انتقال پردکھ اور رنج کا اظہار کیا ہے حافظ حسین احمد 1951میں کوئٹہ کے ایک مذہبی گھرانے میں پیدا ہوئے۔ ابتدائی تعلیم قرآن، حدیث، فقہ اور عربی ادب میں حاصل کی۔ وہ دارالعلوم دیوبند کے مسلک سے وابستہ تھے اور دینی علوم میں درسِ نظامی اور حفظِ قرآن کی اسناد رکھتے تھے۔سیاسی کیریئر کا آغاز انہوں نے 1973 میں بلوچستان کی سیاست سے کیا۔ بعد ازاں قومی سطح پر جمیعت علمائے اسلام میں نمایاں کردار ادا کیا۔ وہ دو مرتبہ قومی اسمبلی کے رکن منتخب ہوئے، پہلی بار 1988 سے 1990 اور دوسری بار 2002 سے 2007 تک۔ اس کے علاوہ وہ مارچ 1991 سے مارچ 1994 تک سینیٹ آف پاکستان کے رکن بھی رہے۔ حافظ حسین احمد پاکستان نیشنل الائنس کے اہم رہنماؤں میں بھی شمار ہوتے تھے اور قومی اسمبلی میں متحدہ مجلس عمل کے ڈپٹی پارلیمانی لیڈر کے طور پر خدمات انجام دے چکے ہیں۔
اہم خبریں سے مزید