• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دبئی، افطار اجتماع سے غیر مسلموں کو اسلام قبول کرنے کی ترغیب

آج کا اخبار
اہم خبریں
21 مارچ ، 2025
دبئی ( سبط عارف ) دبئی میں افطار پیکٹس کی بلا رنگ و نسل و مذہب تقسیم سے متعدد غیر مسلموں کو اسلام قبول کرنے کی ترغیب مل رہی ہے ۔ اس بات کا انکشاف دبئی میں بسے شیخ محمد عزیز نے جیو نیوز سے گفتگو میں کیا۔ افریقی ملک ملاوی سے تعلق رکھنے والے شیخ محمد عزیز روزانہ دبئی میں 13 مختلف مقامات پر 33 ہزار پیکٹس تقسیم کرتے ہیں۔ شیخ محمد عزیز نے بتایا کہ دبئی میں افطار کی تقسیم کرتے ہوئے نہ مذہب پوچھا جاتا ہے اور نہ ہی کسی سے قومیت کا سوال ہوتا ہے بس تمام محنت کشوں اور دیگر افراد کو “ الله کا مہمان “ سمجھ کر افطار پیکٹ فراہم کیا جاتا ہے۔ انھوں نے بتایا کہ یہی اسلام کا جذبہ سخاوت و ایثار ہے جس کی بدولت ہر رمضان میں دس سے زائد غیر مسلم افراد اسلام قبول کرلیتے ہیں ۔ شیخ محمد عزیز اور ان کے بھائی عمران عزیز نے دبئی میں مستحق اور محنت کش افراد کو کھانے کی تقسیم کا سلسلہ 2015ء میں شروع کیا تھا اور اب یہ ایک رمضان مہم بن چکا ہے جس کا نام “ ہیپی ہیپی رمضان “ رکھا گیا ہے۔ افطار پیکٹس کی یہ تقسیم دبئی کے مخلتف علاقوں برشا، دبئی انڈسٹریل ایریا، دبئی سونا پور اور دیگر مقامات پر کی جاتی ہے۔
اہم خبریں سے مزید