فرمان الہی
نماز کے اوقات
کراچی (اسٹاف رپورٹر)وزیر بلدیات سندھ سعید غنی نے کہا ہے کہ پورے شہر میں کلک کے تحت 8 ارب سے زائدکے 99 منصوبے ہیں ، اپریل میں 75 منصوبوں پرکام شروع ہوجائے گا ،یہ بات انہوں نے نارتھ ناظم آباد بلاک اے میں بارہ دری پارک کی ازسرنو تزئین و آرائش کے بعد افتتاح کے موقع پر کہی ،وزیر اعلٰی سندھ مشیر سید نجمی عالم، معاون خصوصی رضا ہارون، سینیٹر مسرور احسن، صدر پیپلز پارٹی ڈسٹرکٹ سینٹرل سردار خان و دیگر بھی ان کے ہمراہ تھے، سعید غنی نے کہا کہ خوشی کی بات ہے بارہ دری پارک کا افتتاح ہوا ہے جو کلک کے تحت بنا ہے کؤشش ہے بلدیاتی اداروں کے تعاون سے شہرکو بہتر بنائیں، سینٹرل میں کلک کے تحت 1.8 ارب کی 19 اسکیموں پر کام جاری ہے ، سعید غنی نے کہا کہ پیپلزپارٹی اور سندھ حکومت نے اس تاثر کو ختم کیا ہے کہ وہ صرف اپنے ووٹرز کے علاقوں میں کام کرتی ہے سب سے زیادہ کام کورنگی میں کئے گئے ہیں۔
