فرمان الہی
نماز کے اوقات
پاکستان شوبز اںڈسٹری کی ابھرتی اداکارہ و ماڈل میرب علی نے انکشاف کیا ہے کہ وہ جَلد شادی کے بندھن میں بندھ جائیں گی۔
معروف اداکارہ میرب علی نے حال ہی میں اداکار و میزبان علی سفینہ کی پوڈکاسٹ میں شرکت کی۔
اس موقع پر انہوں نے میزبان کی جانب سے پچھے گئے متعدد دلچسپ سوالات کے جواب دیے اور مختلف موضوعات پر بات کی۔
میرب علی نے انٹرویو کے دوران انکشاف کیا کہ میرے گھر میں جنات (غیر مرئی مخلوق) کا سایہ ہے جس کی وجہ سے اب میرا گھر فروخت نہیں ہو پا رہا۔
انٹرویو کے دوران میرب علی نے بتایا کہ میں ’سلیپ پیرالائسز‘ یعنی کہ نیند میں فالج جیسی کیفیت کا شکار بھی ہو چکی ہوں۔
انہوں نے ’سلیپ پیرالائسز‘ کو ایک خوفناک تجربہ قرار دیتے ہوئے کہا کہ میں کافی دیر تک مفلوج رہی اور مجھے بے حد ڈر محسوس ہوا۔
علی سفینہ کی جانب سے شادی سے متعلق پوچھے گئے سوال کے جواب میں میرب علی نے بتایا کہ میری شادی جَلد ہو گی، میں نے اپنے منگیتر عاصم اظہر کے ساتھ مل کر مہمانوں کی فہرست بھی تیار کر لی ہے۔
یاد رہے کہ اس سے قبل عاصم اظہر نے بھی چند ہفتے قبل ہی رواں برس شادی کرنے کا عندیہ دیا تھا۔
عاصم اظہر اور میرب علی نے مارچ 2022ء میں منگنی کی تھی۔
