فرمان الہی
نماز کے اوقات
آریز احمد نے اہلیہ حبا بخاری سے محبت کااعتراف کرتے ہوئے کہا کہ محبت نے مجھے بدل دیا ہے، جس پر حبا بخاری جذبات پر قابو نہ رکھ سکیں اور آبدیدہ ہو گئیں۔
پاکستانی ڈرامہ انڈسٹری کے معروف اداکار آریز احمد نے حال ہی میں نجی ٹی وی کی عید ٹرانسمیشن میں شرکت کی۔
شو کے دوران آریز احمد نے ایک ایسا دل چھو لینے والا اعتراف کیا جس نے ان کی اہلیہ و معروف اداکارہ حبا بخاری کو جذباتی کر دیا۔
آریز احمد نے گفتگو کے دوران کہا کہ میں پہلے کافی غصے والا شخص تھا، شاید اس کی وجہ خود پر شک تھا، لیکن حبا نے مجھے یہ احساس دلایا کہ میں اہم ہوں، اُس نے مجھے یقین دلایا کہ میری حیثیت ہے اور جب آپ کو یہ احساس ہو کہ آپ کسی کے لیے اہم ہیں، تو انسان گویا نیا جنم لیتا ہے۔
آریز احمد کے اس خالص اور محبت بھرے اعتراف پر حبا بخاری جذبات پر قابو نہ رکھ سکیں اور آبدیدہ ہو گئیں۔
انہوں نے نم آنکھوں سے کہا کہ آہ! یہ تو بہت پیاری بات ہے، میں واقعی جذباتی ہو گئی ہوں۔
مداحوں نے اس خوبصورت لمحے کو سوشل میڈیا پر بے حد سراہا اور اس جوڑی کو محبت اور خلوص کی مثال قرار دیا۔
دونوں کی اسکرین کے ساتھ ساتھ آف اسکرین کیمسٹری نے انہیں پاکستان کی پسندیدہ جوڑیوں میں شامل کر دیا ہے۔
