فرمان الہی
نماز کے اوقات
کراچی (اسٹاف رپورٹر)امیرجماعت اسلامی کراچی منعم ظفرخان کی زیر قیادت ادارہ نورحق میں کراچی کے ذمہ داران کا ایک اہم اجلاس منعقد ہوا جس میں حق دو کراچی تحریک کے حوالے سے تفصیلی جائزہ لیا گیا اور اس بات پر انتہائی افسوس کا اظہار کیا گیا کہ ہیوی ٹریفک،ڈمپرو ٹینکر کی ٹکر سے ہلاکتوں کی تعداد 200سے زائد ہوچکی ہے ، اسٹریٹ کرائمز کے حوالے سے دعویٰ کیا جارہا ہے کہ کم ہوئے ہیں اخباری اطلاعات کے مطابق رواں سال 3ماہ میں اسٹریٹ کرائمز کے 16ہزار سے زائد واقعات رپورٹ ہوئے ہیں اور بہت سے ایسے واقعات ہیں جن کی رپورٹ ہی درج نہیں کروائی جاتی،اجلاس میں امیرجماعت اسلامی پاکستان حافظ نعیم الرحمنٰ کی زیر قیادت حق دو عوام کوتحریک کی جدوجہد میں بجلی کی قیمتوں میں کمی کے حوالے سے اطمینان کا اظہار کیا گیا، کہ جماعت اسلامی کے ساتھ کئے گئے معاہدے کے نتیجے میں تاخیر سے ہی صحیح لیکن عوام کو ریلیف ملا لیکن بجلی کی قیمتوں میں مزید کمی کی جانی چاہیے ،اجلاس میں آئندہ کے لائحہ عمل پر غور کیا گیا اور طے کیا گیا کہ شہر میں بڑھتے ہوئے اسٹریٹ کرائمز و مسلح ڈکیتی کی وارداتیں، ہیوی ٹریفک سے ہلاکتوں کے حوالے سے 11اپریل جمعہ کی شام 4بجے آئی جی آفس پر احتجاج کیاجائے گا،امیرجماعت اسلامی کراچی منعم ظفر خان نے عوام سے اپیل کی ہے کہ حق دو کراچی تحریک کا حصہ بنیں اور احتجاج میں زیادہ سے زیادہ تعداد میں شرکت کریں،دریں اثناء امیر جماعت اسلامی کراچی منعم ظفرخان نے ڈیفنس فیز1میں ڈکیتی مزاحمت کے دوران فائرنگ سے جاں بحق ہونے والے عامر سلطان کے گھر جاکر ان کے بھائی شاکر سلطان،اہل خانہ و لواحقین سے ملاقات اور مغفرت کی دعاکی۔
