فرمان الہی
نماز کے اوقات
اسلام آباد (طاہر خلیل ) حکومتی ڈیڈلائن ختم ہونےکے بعد افغان شہریوں کے خلاف کارروائی تیز کردی گئی ,ملک بھر میں غیر قانونی افغان باشندوں کیخلاف کارروائی جاری ، کارڈ کے حامل افراد کوکیمپ سے افغانستان بھجوایا جائےگا ۔ذرائع کے مطابق افغان سٹیزن کارڈ کے حامل افراد کی گرفتاریاں شروع کردی گئی ہیں اور 50سے زائد افغان شہریوں کو رفیوجی کیمپ منتقل کردیا گیا ہے۔ذرائع کا بتانا ہے کہ افغان سٹیزن کارڈ رکھنے والے خاندانوں کوبھی تحویل میں لےکرکیمپ منتقل کیا جائے گا، کارڈ کے حامل افراد کوکیمپ سے افغانستان بھجوایا جائےگا۔ذرائع کے مطابق پولیس کا مختلف علاقوں میں آپریشن جاری ہے اور یہ روزانہ کی بنیاد پر کیا جائے گا۔ پاکستان میں مقیم غیر قانونی افغان مہاجرین کے انخلا کی 31مارچ 2025کی ڈیڈلائن ختم ہو چکی ہے اور حکومت نے گزشتہ روز سے ان کی بےدخلی کے عمل کا آغاز کر دیا ہے۔
