• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محسن نقوی پی سی بی یا وزارت داخلہ میں سے ایک منتخب کریں، شاہد آفریدی

آج کا اخبار
اہم خبریں
08 اپریل ، 2025
کراچی(عبدالماجد بھٹی) پاکستان کرکٹ ٹیم سابق کپتان شاہد خان آفریدی نے چیئرمین پاکستان کرکٹ بورڈ محسن نقوی کو مشورہ دیا ہے کہ پی سی بی ٹوئنٹی فور سیون والی جاب ہے اس لئے آپ وزارت داخلہ اور پی سی بی میں سے کسی ایک کا انتخاب کریں۔ محسن نقوی محنتی شخص ہیں دو کشتیوں میں سوار ہوکرکرکٹ کیلئے وہ نہیں کرسکتے جو وہ چاہتے ہیں۔ ذرائع کا کہنا ہے کہ شاہد آفریدی نے گذشتہ دنوں پنڈی میں پاک فوج کے سپہ سالار جنرل عاصم منیر سے ملا قات میں ان کی والدہ کے انتقال پر تعزیت کی۔ اس دوران یہ بھی کہا کہ ملک میں تفریح کا واحد ذریعہ کرکٹ ہے۔ کرکٹ فل ٹائم جاب ہے اس لئے محسن نقوی سے ایک ذمے داری واپس لی جائے۔ ذرائع کے مطابق جون میں امریکا میں ٹی ٹوئنٹی ورلڈ کپ کے دوران محسن نقوی نے شاہد آفریدی کو پی سی بی میں کام کرنے کی پیشکش کی تھی۔ شاہد آفریدی نے ان سے اپنی مصروفیت کی وجہ سے معذرت کی ۔
اہم خبریں سے مزید