• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

8 جولائی سے14 مارچ تک پیپلز پارٹی نہروں کے معاملے پر کیوں چپ رہی؟

آج کا اخبار
اہم خبریں
12 اپریل ، 2025
اسلام آباد( نمائندہ جنگ) چیئرمین قائمہ کمیٹی ہاؤسنگ اور پاکستان مسلم لیگ (ن) کے رہنماسینیٹر ناصر بٹ نے سندھ کے وزیر اطلاعات شرجیل انعام میمن کے بیان پر ردعمل میں کہا ہے کہ شرجیل میمن کو غصے کے بجائے سینیٹر عرفان صدیقی کے اس سوال کا جواب دینا چا ہئے تھا کہ8جولائی 2024سے14 مارچ 2025تک پیپلز پارٹی نہروں کے معاملے پر چپ کیوں رہی؟ خط لکھنے کے بعد خود ہی احتجاج کا کیا جواز بنتا ؟ سینیٹر عرفان صدیقی نے ریکارڈ کی بات کی ہے کہ پیپلز پارٹی کی سندھ اسمبلی میں قرارداد 14 مارچ کو آئی جس سے پہلے انہوں نے کوئی اعتراض نہیں اٹھایا تھا۔ 8 جولائی کو جو کچھ منظور ہوا۔ صدر محترم کی آشیر باد اور دعاؤں سے ہوا ۔ایوان صدر کے خط کے بعد ارسا نے منصوبے پر کام آگے بڑھایا۔ ناصر بٹ نے سوال کیا کہ خط لکھنے کے بعد خود ہی اس پر احتجاج کا کیا جواز بنتا ہے؟سینیٹر عرفان صدیقی نے نہروں کے معاملے پر ٹائم لائن دیکھنے کی بات کی تھی اسے پڑھ کر جواب دیتے تو مناسب ہوتا۔
اہم خبریں سے مزید