فرمان الہی
نماز کے اوقات
اسلام آباد (رانا غلام قادر) دس ہزار حج کوٹہ ملنے کے باجود پرائیویٹ حج سکیم کے 67ہزار عازمین حج فریضہ حج کی سعادت سے محروم ہو جائیں گے۔10ہزار کا کوٹہ ملنے کے بعد نجی سکیم کے عازمین حج کی تعداد 24ہزار ہوگئی، مزید 67ہزار کی بکنگ کی جاچکی ، حج آرگنائزرز نے 70کروڑ ریال سعودی عرب بھجو ادیئے، حج کوٹہ کیلئے وزیراعظم سے مداخلت کی اپیل کر دی ،پاکستان کا کل حج کوٹہ 179210 ہے۔ اس میں سے نصف کوٹہ 89605 سرکاری سکیم کا ہے اور 89605پرائیویٹ حج سکیم کا۔ حج سروسز کے ایگریمنٹس اور ادائیگیاں شیڈول کے مطابق نہ ہونے کی وجہ سے سعودی حکومت نے پرائیویٹ حج سکیم کے صرف 14ہزار عازمین حج کی پیمنٹس قبول کیں۔ نائب وزیراعظم اور وزیر خارجہ اسحاق ڈار نے سعودی وزیر خارجہ کو فون کیا جس کے نتیجے میں سعودی حکومت نے مزید دس ہزار عازمین کو اجازت دیدی۔ وزارت مذہبی امور نے یہ دس ہزار کا کوٹہ حج آرگنائزر کی تنظیم ہوپ کو دیدیا۔
