• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

واجبات کی عدم ادائیگی پر 15ڈیفالٹرزبستیوں کے ٹرانسفارمرز اتارلئے گئے

میرا شہر
ملتان
16 اپریل ، 2025
ملتان (سٹاف رپورٹر)میپکو ریجن کے زیر انتظام علاقوں میں ڈسکوسپورٹ یونٹ میں شامل فورسز کا بجلی چوروں اور نادہندگان کے خلاف آپریشن ،75لاکھ روپے سے زائد واجبات کی عدم ادائیگی پر15ڈیفالٹرزبستیوں کے ٹرانسفارمرز اُتارلئے گئے۔بجلی چوری اور واجبات کی ادائیگی نہ کرنے پر ایک آئس فیکٹری کے مالک، الیکٹریشن اور 2نادہندہ صارفین کو موقع سے گرفتار کروادیاگیا، ایکسین صادق آبادڈویژن محسن نذیراور ایس ڈی او جمال دینوالی سب ڈویژن کی سربراہی میں ٹیم نےرینجرز اور پولیس کے ساتھ مل کر43لاکھ 61 ہزارروپے واجبات /بقایاجات کی ادائیگی نہ کرنے پر بستی فتح محمد آرائیں،بستی گچلاں،راجن پور کلاں، بستی عاصم اندھر، بستی نیوا، بستی شیر محمد کورائی، بستی اصغر چوہان، بستی بھیلا، ڈیرہ دہران اور بہاول دین کے 13ڈسٹری بیوشن ٹرانسفارمرز اور ایل ٹی لائنیں اُتارلی گئیں۔ چیکنگ کے دوران22افراد کو ڈائریکٹ ایل ٹی لائنوں سے کنڈیاں لگاکر بجلی چوری کرتے ہوئے پکڑ لیا۔ بجلی چوری کرنے پر آئس فیکٹری کے مالک صدام،الیکٹریشن شاہد محموداوراصغر کوموقع سے گرفتار کروا دیا گیا، سپریٹنڈنگ انجینئر آپریشن بہاولنگر سرکل خالد حسین سیال اور ونگ کمانڈر رینجرز کی زیرنگرانی ایڈیشنل ایس ای چشتیاں ڈویژن نوراحمد کھوسو اورایس ڈی اوسیکنڈ سب ڈویژن ڈاہرانوالہ احمد ندیم کی سربراہی میں نادہندگان کے خلاف آپریشن کیا،ایس ڈی او داجل سب ڈویژن کی ٹیم نے پولیس فورس کے ہمراہ نادہندگان کے خلاف آپریشن کیا۔ ایک مستقل نادہندہ صارف کو موقع سے گرفتارکرواکر حوالات منتقل کردیاگیا۔ میپکو وہاڑی سرکل وسیم اخترکی ہدایت پر ایس ڈی اوحاجی شیر سب ڈویژن بوریوالہ کی ٹیم نے نادہندہ زرعی ٹیوب ویلوں کے خلاف آپریشن کیا۔چک شاہ بخش والا میں 9ماہ سے 16لاکھ14ہزارروپے واجبات کی عدم ادائیگی پر نوراحمد نامی صارف، موضع جملیرا میں 15ماہ سے 15لاکھ66ہزارروپے واجبات کی ادائیگی نہ کرنے پر اکبر علی نامی صارف کی بجلی منقطع کرکے میٹرز، ٹرانسفارمرز اور تاریں اُتارلیں۔ آپریشن کے دوران ایک نادہندہ زرعی ٹیوب ویل صارف سے ایک لاکھ روپے واجبات وصول کئے گئے۔
ملتان سے مزید