• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وکلاء اور سائلین کیلئے سہولیات فراہمی اولین ترجیح ہے، چیف جسٹس پشاورہائیکورٹ

میرا شہر
پشاور
19 اپریل ، 2025
پشاور(نیوز رپورٹر) پشاورہائیکورٹ کے قائم مقام چیف جسٹس ایس ایم عتیق شاہ نے کہا ہے کہ وکلاءاور سائلین کےلئے سہولیات فراہم کرنا اولین ترجیح ہے ، پشاور ہائیکورٹ کی حدود میں مختلف سہولیات فراہم کی گئی ہیں تاکہ وکلاءاور سائلین کو بہتر ماحول میسر آسکے۔ گزشتہ روز پشاور ہائیکورٹ میں لائرز ویلفیئر کمپوزنگ اینڈ فوٹو سٹیٹ سنٹر کے افتتاح کے ساتھ ساتھ پشاور ہائیکورٹ بار کے آفیشل ویب سائیٹ کی لانچنگ کی گئی ، اس ضمن میں منعقدہ تقریب میں پشاور ہائیکورٹ کے رجسٹرار ایڈمن ممریز خان خلیل ،دیگر جوڈیشل افسران،پشاور ہائیکورٹ بارکے صدر فدا گل اور سیکرٹری جنرل اعجاز علی شاہ ، عالم خان ادینزی، سمیت دیگر سینئر وکلاءبھی موجود تھے ۔پشاور ہائیکورٹ بار کے صدرنے سنٹر اور آفیشل ویب سائٹ کے بارے میں چیف جسٹس کو بریف کیا ، چیف جسٹس ایس ایم عتیق شاہ نے تھوڑے عرصے میں سنٹر کی تعمیر پر پشاور ہائیکورٹ بار صدر اور کابینہ کو سراہا۔انہوں نے مختلف بار رومز کا بھی دورہ کیا او ر ترقیاتی کاموں کا جائزہ لیا۔ چیف جسٹس نے کہا کہ سائلین او وکلاءکو بہترین سہولیات فراہم کرنا ان کی اولین ترجیح ہے۔
پشاور سے مزید