• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مقبوضہ کشمیر میں انسانی حقوق خلاف ورزیوں کیخلاف آواز بلند کی جائیگی، او آئی سی

میرا شہر
اسلام آباد
22 اپریل ، 2025
اسلام آباد ( جنگ نیوز)او آئی سی کے نمائندہ خصوصی برائے جموں و کشمیر یوسف محمد صالح الدوبی کی قیادت میں اعلیٰ سطح کے وفد نے مظفرآباد، آزاد جموں و کشمیر کا دورہ کیا ۔وفد میں او آئی سی اور پاکستان کی وزارتِ خارجہ کے سینئر حکام کے ساتھ ساتھ نمل یونیورسٹی کے نمائندے بھی شامل تھے ۔وفد نے مری میں اعلیٰ عسکری حکام سے ملاقات کی اور مقبوضہ جموں و کشمیر میں جاری بھارتی مظالم پر بریفنگ میں شر کت کی ۔وفد نے مظفرآباد میں مہاجر کیمپوں اور ووکیشنل ٹریننگ سینٹرز کا دورہ کیا جہاں انہوں نے کشمیری مہاجرین سے ملاقات کی ۔وفد نے کشمیری مہاجرین کی فلاح و بہبود کے لیے پاکستان کی کوششوں کو سراہا۔کشمیری اور فلسطینی عوام سے یکجہتی کا اظہار کرتے ہوئے وفد نے مقبوضہ علاقوں میں انسانی حقوق کی خلاف ورزیوں کے خلاف آواز بلند کرنے کے عزم کا اعادہ کیا۔
اسلام آباد سے مزید