• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریاضی سائنسی ترقی اور فیصلہ سازی میں بنیادی کردار ادا کر رہی ہے، مقررین

میرا شہر
ملتان
26 اپریل ، 2025
ملتان (سٹاف رپورٹر)ایمرسن یونیورسٹی شعبہ ریاضی و شماریات کے زیر اہتمام ’’آپٹیمائزیشن مسائل بارے سیمینار منعقد ہوا سیمینار میں ممتاز ماہرینِ تعلیم، یونیورسٹی کے افسران، فیکلٹی ممبران اور طلباء و طالبات نے شرکت کی، شعبہ ریاضی و شماریات کے سربراہ ڈاکٹر عبدالمعید نے سائنس، ٹیکنالوجی اور سوشل سائنس میں ریاضی کی اہمیت پر بھی روشنی ڈالی ،سیمینار کے مہمانِ خصوصی اور کلیدی مقرر پروفیسر ڈاکٹر مجاہد عباس (یونیورسٹی آف جوہانسبرگ، جنوبی افریقہ) نے ’’عقل مند انسان‘‘ کے معاشی نظریے پر مقالہ پیش کیا انہوں نے بتایا کہ کس طرح انسان اپنی خوشی یا افادیت کو کم سے کم محنت کے ساتھ زیادہ سے زیادہ حاصل کرنے کی کوشش کرتا ہےرجسٹرار ڈاکٹر محمد فاروق نے کہا کہ جدید دور میں ریاضی کی افادیت مزید بڑھ چکی ہے، جو سائنسی ترقی، ٹیکنالوجی اور فیصلہ سازی میں بنیادی کردار ادا کر رہی ہے۔ سیمینار میں ڈاکٹر محمد آصف، ڈاکٹر صدام حسین قریشی، ڈاکٹر ہمایوں فاروق، ڈاکٹر عمیر سہیل، ڈاکٹر محمد شہزاد اختر، ڈاکٹر تنویر اقبال، محمد شہباز عاصی اورطلباء و طالبات نے شرکت کی۔
ملتان سے مزید