فرمان الہی
نماز کے اوقات
لندن(نیوز ڈیسک)ایک نئی رپورٹ میں لندن حکومت پر الزام لگایا گیا ہے کہ وہ سفری رکاوٹوں کے ذریعے ملکی سیاحتی شعبے کو سبوتاژ کر رہی ہے۔ برطانوی سیاحتی شعبے کے مطابق سیاحوں نے گزشتہ برس برطانیہ میں 2.2 بلین پاؤنڈ کم خرچ کیے،برطانوی دارالحکومت سے موصولہ رپورٹوں کے مطابق لندن ہی میں قائم ورلڈ ٹریول اینڈ ٹورزم کونسل (WTTC) نے سال 2024ء کے لیے اپنی رپورٹ میں الزام عائد کیا ہے کہ برٹش گورنمنٹ کی طرف سے غیر ملکیوں کے برطانیہ کے سفر پر لگائی جانے والی پابندیوں اور رکاوٹوں سے ملکی سیاحتی شعبے کو اتنا زیادہ نقصان ہو رہا ہے کہ لندن حکومت کا یہ رویہ برٹش ٹورزم انڈسٹری کو سبوتاژ کرنے‘‘ کے مترادف ہے۔ڈبلیو ٹی ٹی سی کی اس سالانہ رپورٹ میں کہا گیا ہے کہ یورپ کی بڑی معیشتوں میں شمار ہونے والے برطانیہ میں 2024ء میں بین الاقوامی مہمانوں اور سیاحوں نے مجموعی طور پر جو رقوم خرچ کیں، وہ کورونا وائرس کی عالمی وبا سے پہلے کے مقابلے میں 2.2 بلین پاؤنڈ (2.9 بلین ڈالر) کم تھیں۔
