• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متعدد فوڈ پوائنٹس پر بھاری جرمانے عائد، ناقص اشیا ء تلف کر دی گئیں

میرا شہر
ملتان
28 اپریل ، 2025
ملتان (سٹاف رپورٹر)پنجاب فوڈ اتھارٹی کی ملتان، خانیوال اور وہاڑی میں کارروائیاں، ایکسپائری مشروبات، ناقص خوراک کی تیاری پر سویٹس اینڈ بیکرز، ہوٹلوں، کریانہ سٹورز سمیت متعدد فوڈ پوائنٹس کو بھاری جرمانے، 75 کلو ایکسپائری اشیاء، 40 لٹر ایکسپائری کولڈ ڈرنکس، 13 کلو ممنوعہ اجزا اور 30 لٹر رینسڈ آئل تلف کردیاگیا،تفصیلات کے مطابق بہار مارکیٹ شاہ رکن عالم میں سویٹس اینڈ بیکرز کو خوراک کی تیاری میں ایکسپائری چاکلیٹ سیرپ کا استعمال کرنے پر 25 ہزار، خانیوال روڈ پر ہوٹل کو کھانوں میں کھلے مصالحہ جات اور رنگ کے استعمال پر 40 ہزار، ایم ڈی اے کو آپریٹو سوسائٹی میں ناشتہ پوائنٹ کو صاف پانی کا استعمال نہ کرنے، فریزر میں مردہ حشرات پائے جانے پر 15 ہزار، سمیجہ آباد 40 فٹی مین بازار میں بیکری کو رینسڈ آئل کا استعمال کرنے پر 25 ہزار جبکہ بستی باغ والا موضع سمورانہ میں کچا پاپڑ فیکٹری کو صفائی ستھرائی کے انتہائی ناقص انتظامات پر 50 ہزار روپے جرمانہ کیا گیا۔ اسی طرح ملتان کرکٹ اسٹیڈیم کے قریب سنیکس یونٹ کو چائنہ نمک اور نان لیبل آئل کے استعمال پر 50 ہزار روپے، باغ حسین چوک اور حسین آباد خانیوال روڈ پر 2 ملک شاپس کو دودھ میں فیٹ کم ہونے پر 25، 25 ہزار روپے جبکہ ایم پی ایس لنک نگانہ چوک پر ہوٹل کو ایکسپائری برگر بن اور رینسڈ آئل کے استعمال پر 25ہزار روپے، وہاڑی میں ڈی بلاک وہاڑی بازار بوریوالا میں آئس کریم پروڈکشن یونٹ کو ایکسپائری کلر اور سٹارچ کی ملاوٹ کرنے پر 20ہزار، دوکوٹہ میلسی میں پیزا پوائنٹ کو رینسڈ آئل کا استعمال کرنے پر 10 ہزار، شیخ کاٹن کالونی عبداللہ ہسپتال کے قریب ریسٹورنٹ کو کھانوں کی تیاری کیلیے ایکسپائرڈ بریڈ کے استعمالپر 12 ہزار، اڈہ عمر پور جملیرا روڈ بوریوالا میں سویٹس اینڈ بیکرز یونٹ کو مٹھائی کی تیاری میں رنگ کاٹ اور کھلے رنگ کی ملاوٹ کرنے پر 15 ہزار، ملتان روڈ 87 ڈبلیو بی اڈہ چکڑالا میں ہوٹل کو کھانوں میں ممنوعہ چائنہ نمک کے استعمال پر 15 ہزار، پپلی روڈ گڑھا موڑ پر کریانہ سٹور کو ایکسپائری اچار اور سویاں فروخت کرنے پر 15 ہزار،ریل بازار، چک 139 ٹن آر اور 138 ٹن آر خانیوال میں 3کریانہ سٹورز کو زائدالمیعاد کنفیکشنری آئٹمز، کھلے مصالحہ جات، چائنہ نمک اور ناقص کولڈ ڈرنکس کی موجودگی پر مجموعی طور پر 65 ہزار روپے اور اڈہ ہیڈ سردار پور کبیروالا میں سپر سٹور کو چائنہ نمک، ایکسپائری چائے کی پتی اور بسکٹ کی موجودگی پر 10 ہزار روپے جرمانہ کیا گیا۔ 
ملتان سے مزید