• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیئرمین سی ڈی اے کا زیر تعمیر جناح سکوائر مری روڈ انڈر پاس کا اچانک دورہ

میرا شہر
اسلام آباد
28 اپریل ، 2025
اسلام آباد( نیوز رپورٹر چیئرمین سی ڈی اے محمد علی رندھاوا نے زیر تعمیر جناح سکوائر مری روڈ انڈر پاس کا رات گئے اچانک دورہ کیا ۔ ممبر پلاننگ او ر ممبر انوائرنمنٹ بھی ہمراہ تھے۔ انہوں نے وزیراعظم پاکستان اور وفاقی وزیر داخلہ کی ہدایت پر جناح سکوائر مری روڈ انڈر پاس کو 35 یوم میں مکمل کرنے کے لیے تعمیراتی کام کا جائزہ لیا اور 24/7 تیزی سے جاری رکھنے کی ہدایت کی۔ چیئرمین سی ڈی اے کو منصوبہ پر جار ی تعمیراتی کاموں کے بارے میں تفصیلی بریفنگ دی گئی ۔ چیئرمین سی ڈی اے نے جناح سکوائر مری روڈ انڈر پاس منصوبے کو 35 یوم کی ڈیڈ لائن کے حصول کیلئے تعمیراتی کاموں کو مزید تیز کرنے تاکہ مقررہ وقت کے اندر مقررہ ہداف مکمل جائیں، چیئرمین سی ڈی اے کو بتایا گیا کہ منصوبے میں شامل ملحقہ پل کو کشادہ کرنے اور دونوں اطراف میں 2 لینز پر اضافے کیلئے کام جاری ہے، بریفننگ میں بتایا گیا کہ منصوبے سے ملحقہ تمام سلپ روڈز کو کشادہ کرنے کے لئے تعمیراتی کام جاری ھے ۔ چئیرمن نے کہا کہ تعمیراتی کاموں میں حائل تمام رکاوٹوں کو فوری طور پر دور کیا جائے۔ منصوبے کی ٹائم لائنز کو حاصل کرنے کے لئے 24/7 تعمیراتی کام کو یقینی بنایا جائے، محمد علی رندھاوا نے ہدایت دی کہ منصوبوں کے مختلف حصوں پر بیک وقت جاری تعمیراتی سرگرمیوں کی رفتار کو مزید تیز کیا جائے ۔ تعمیراتی کاموں کے ساتھ منصوبے کی بیوٹیفکش ، سافٹ لینڈ سکیپنگ اور ہارٹیکلچر کے کام کا بھی ساتھ آغاز کیا جائے۔ چیئرمین سی ڈی اے نے کنسلٹنٹس اور ریزیڈنٹ انجینئرز کو سائٹ پر تعمیراتی کاموں کے اعلیٰ معیار اور بروقت تکمیل کو ہر صورت یقینی بنانے کی ہدایت کی۔ انہوں نے کہا کہ تعمیراتی کاموں کے اعلیٰ معیار اور رفتار میں کسی بھی قسم کا کوئی سمجھوتہ ہرگز برداشت نہیں کیا جائے گا۔
اسلام آباد سے مزید