• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نجی تعلیمی اداروں کا صوبائی حکومت کی پالیسیوں پر احتجاج

میرا شہر
پشاور
29 اپریل ، 2025
پشاور ( وقائع نگار)خیبرپختونخوا کے نجی تعلیمی اداروں نے صوبائی حکومت کی تعلیم دشمن پالیسیوں پر شدید تحفظات کا اظہار کرتے ہوئے فیڈرل بورڈ آف انٹرمیڈیٹ اینڈ سیکنڈری ایجوکیشن سے الحاق کا فیصلہ کیا ہے۔پرائیویٹ ایجوکیشن نیٹ ورک کے صوبائی صدر محمد سلیم خان نے صحافیوں سے بات چیت کرتے ہوئے کہا کہ گزشتہ تین دہائیوں سے صوبے میں نجی تعلیمی اداروں کو درپیش چیلنجز اور حکومتی عدم تعاون نے نجی شعبے کو مجبور کر دیا ہے کہ وہ متبادل راستے اختیار کریں۔ انہوں نے کہا کہ متعدد نجی ادارے پہلے ہی دیگر صوبوں میں اپنے کیمپس قائم کر چکے ہیں جبکہ ضلعی سطح پر سکولوں کی فہرستیں مرتب کرنے کی ہدایات جاری کر دی گئی ہیں تاکہ جلد از جلد فیڈرل اور پنجاب بورڈز سے الحاق کو عملی جامہ پہنایا جا سکےانہوں نے خبردار کیا کہ انٹرمیڈیٹ کے امتحانات اور ان کے نتائج میں تاخیر سے خیبرپختونخوا کے طلبہ ملک کی اعلیٰ یونیورسٹیوں میں داخلے سے محروم ہو سکتے ہیں دوسری جانب پنجاب اور فیڈرل بورڈز بروقت امتحانات کا انعقاد کر کے اپنے طلبہ کے لیے تعلیمی مواقع فراہم کر رہے ہیں سلیم خان نے مزید کہا کہ حکومت کے پاس نجی تعلیمی اداروں کے نمائندوں سے مشاورت کا وقت نہیں، اور ان کے یکطرفہ فیصلے نجی شعبے کو احتجاج پر مجبور کر رہے ہیں اگر حکومت نے ہمارے مطالبات تسلیم نہ کیے تو آئندہ دنوں میں ایک تاریخی احتجاج کیا جائے گا
پشاور سے مزید