• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیل کیلئے جاسوسی کا الزام، ایران میں ایک شخص کو پھانسی

آج کا اخبار
اہم خبریں
01 مئی ، 2025
کراچی (نیوز ڈیسک) ایران نے اسرائیل کی خفیہ ایجنسی موساد کے ساتھ تعاون اور جاسوسی کے الزام میں ایک ’ جاسوس‘ کو پھانسی دے دی۔ ایرانی عدلیہ نے اپنی سرکاری خبر رساں ایجنسی ’ میزان ’ کے ذریعے بتایا کہ محسن لنگرنشین کو موساد کے ساتھ تعاون کرنے کے الزام میں بدھ کی صبح پھانسی دی گئی۔ایرانی خبررساں ایجنسی’ میزان ’ کے مطابق محسن لنگرنشین نے 2020 سے دو سال تک موساد کو وسیع پیمانے پر ’ لاجسٹک، تکنیکی اور آپریشنل مدد’ فراہم کی تھی۔ محسن لنگرنشین پر عائد کردہ اہم الزامات میں سے ایک مئی 2022 میں پاسداران انقلاب (آئی آر جی سی ) کے کرنل صیاد خدائی کے قتل میں اس کا ملوث ہونا تھا، جنہیں تہران میں گھر جاتے ہوئے دو موٹر سائیکل سواروں نے گولی مار کر جاں بحق کر دیا تھا۔
اہم خبریں سے مزید