• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت نے اشتعال انگیزی کی تو منہ کی کھائے گا،حسین مقدسی

میرا شہر
اسلام آباد
02 مئی ، 2025
راولپنڈی ( خصوصی نمائندہ) تحریک نفاذ فقہ جعفریہ کے سربراہ علامہ آغاسیدحسین مقدسی نے کہا ہے کہ بھارت نے اشتعال انگیزی کی تو منہ کی کھائے گا،دشمن کے خلاف پوری قوم یکجان ہے۔ارباب اقتدار اور سیاستدان محاذ آرائی ترک کردیں۔خواتین کو عزت و حرمت سے ہمکنار ہونے اور اپنا اصل مقام حاصل کرنے کیلئے خانوادہ رسالت ؐ کی خواتین کی پیروی کرنی ہوگی ۔ ان خیالات کا اظہار انہوں نے امام بارگاہ زین لعابدین سٹیلائٹ ٹاون میں حضرت فاطمہ بنت امام موسیٰ کاظم معصومہ قم کی ولادت کے موقع پر ’’جشن کریمہ اہلبیت ‘‘سے خطاب کرتے ہوئے کیا ۔ انہوں نے کہا کہ حکمران و سیاستدان نیشنل ایکشن پلان کی ہر شق پر عملدرآمد کو یقینی بنائیں۔جشن سے علامہ اظہرعباس حیدری ، علامہ سیدقمرحیدرزیدی ، یاسرغفارکوثر، مطیع الحسنین کاظمی اور دیگر ذاکرین نے بھی خطاب کیا۔
اسلام آباد سے مزید