• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلع کرم، 7 ماہ کی طویل معطلی کے بعد فورجی انٹرنیٹ سروس بحال

آج کا اخبار
اہم خبریں
02 مئی ، 2025
کرم (صباح نیوز) ضلع کرم میں سات ماہ کی طویل معطلی کے بعد فورجی انٹرنیٹ سروس بحال کر دی گئی ہے جس پر شہریوں میں خوشی کی لہر دوڑ گئی ہے۔ لوگ سوشل میڈیا پر ایک دوسرے کو مبارکباد دیتے نظر آئے۔ضلعی انتظامیہ کے مطابق 28 ستمبر کو علاقے میں کشیدہ حالات کے باعث فورجی انٹرنیٹ سروس معطل کی گئی تھی جس کا مقصد امن و امان کو یقینی بنانا تھا۔ تاہم اب صورتحال میں بہتری کے بعد سروس کو بحال کر دیا گیا ۔ ڈپٹی کمشنر کرم نے کہا کہ ضلع میں پائیدار اور دیرپا امن کے قیام کے لیے ہر ممکن کوششیں جاری رکھی جائیں گی۔ انہوںنے کہا کہ انٹرنیٹ سروس کی بحالی سے تعلیمی سرگرمیوں، کاروبار اور عوامی رابطے میں آسانی پیدا ہوگی۔
اہم خبریں سے مزید