• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کپاس کی اگیتی کاشت کا 95 فیصد ٹارگٹ حاصل کیا جاچکا ہے،کمشنر ملتان

میرا شہر
ملتان
07 مئی ، 2025
ملتان (سٹاف رپورٹر) کمشنر ملتان ڈویژن عامر کریم خاں نے کپاس کی کاشت، صورتحال بارے جائزہ اجلاس کی صدارت کرتے ہوئے کہا کہ حکومت پنجاب کی جانب سے ملتان ڈویژن کو اگیتی کاشت 3لاکھ 80ہزار ایکڑ پر کپاس کاشت کا ہدف دیا گیا ہے۔ اگیتی کاشت کا 95فیصد ٹارگٹ حاصل کیا جاچکا ہے۔ موسمی کاشت کیلئے 8لاکھ 20 ہزار ایکڑ پر کپاس کاشت کرنے کا ٹارگٹ دیا گیا ہے۔اس ماہ کے آخر تک کپاس کی کاشت مکمل کرلی جائے گی۔محکمہ زراعت کا سٹاف کپاس کی کاشت بارے کسانوں کے مسائل حل کرنے بارے فیلڈ میں موجود ہے۔انہوں نے کہا کہ ڈویژن میں یوریا کے 558455یوریا بیگز، ڈی اے پی کے 206851 تھیلے موجود ہیں۔ڈائریکٹر زراعت شہزاد صابر کی کپاس کی فصل بارے تفصیلی بریفنگ دی جبکہ اضلاع کے ڈپٹی کمشنرز بھی اس موقع پرموجود تھے ۔
ملتان سے مزید