• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت کے نامزد چیف جسٹس جسٹس گوگوئی کا پاک بھارت جنگ بندی کا خیرمقدم

آج کا اخبار
اہم خبریں
12 مئی ، 2025
کراچی (نیوز ڈیسک) بھارت کے نامزد چیف جسٹس آف انڈیا، جسٹس بھوشن گوگوئی نے پاک بھارت جنگ بندی کا خیرمقدم کرتے ہوئے اسے دونوں ممالک کے درمیان امن اور استحکام کی جانب مثبت پیشرفت قرار دیا ہے۔ انہوں نے کہا کہ سرحدوں پر خاموشی سے عوام کے اندر تحفظ اور عدلیہ کے نظام پر اعتماد بڑھتا ہے۔ بھارتی میڈیا کے مطابق جسٹس گوگوئی نے ایک تقریب سے خطاب کرتے ہوئے کہا کہ بھارت اور پاکستان کے درمیان 2021 میں طے پانے والے سیزفائر معاہدے کے بعد لائن آف کنٹرول پر فائرنگ کے واقعات میں واضح کمی آئی ہے، جس سے سرحدی علاقوں میں رہنے والے شہریوں کو سکون میسر آیا ہے۔ انہوں نے کہا کہ عدلیہ کو پُرامن ماحول میں بہتر کارکردگی کا موقع ملتا ہے، اور عوامی بھروسہ قانون کی حکمرانی میں مزید مستحکم ہوتا ہے۔ واضح رہے کہ جسٹس گوگوئی رواں سال 25 مئی کو بھارت کے 51ویں چیف جسٹس کی حیثیت سے عہدہ سنبھالیں گے۔ وہ بھارت کے پہلے دلت چیف جسٹس ہوں گے، جس پر مختلف حلقوں کی جانب سے اسے عدالتی تاریخ میں ایک اہم قدم قرار دیا جا رہا ہے۔
اہم خبریں سے مزید