فرمان الہی
نماز کے اوقات
کراچی (اسد ابن حسن) ڈپٹی کمشنر ضلع شرقی کے آفس سے نادرا کی جانب سے منجمد شدہ مزید 999 شناختی کارڈ ہولڈرز کو حتمی نوٹسز جاری کر دیے گئے ہیں۔ بڑی تعداد میں خواتین سمیت مردوں کے شناختی کارڈ نادرا نے منسوخ کرنے کی کارروائی پورے ملک اور خاص طور پر کراچی میں شروع کی تھی اور اس منسوخی سے پہلے ان تمام افراد کو نادرا نے بھی دو مرتبہ نوٹسز جاری کیے تھے مگر وہ پیش نہیں ہوئے اور ان کے شناختی کارڈز یا تو منجمد اور یا منسوخ کر دیے گئے۔ ڈپٹی کمشنر ضلع جنوبی نے بھی اس سلسلے میں ایک ہفتہ قبل 887افراد کو نوٹسز جاری کیے تھے۔ مزکورہ نئے نوٹسز سے پہلے بھی ڈپٹی کمشنر شرقی آفس ایک ہزار افراد کے خلاف کارروائی کر چکا ہے۔
