فرمان الہی
نماز کے اوقات
سوات (این این آئی)سانحہ سوات کی تحقیقات اور دریاؤں کو محفوظ بنانے سے متعلق سماعت کے دوران دریائے سوات میں سیاحوں کے ڈوبنے سے متعلق 384صفحات پر مشتمل تحقیقاتی رپورٹ پشاورہائی کورٹ میں جمع کرادی گئی۔ رپورٹ کے مطابق تحقیقاتی کمیٹی نے 10افسران اور ذمے دار افراد کے بیانات قلمبند کیے، سانحہ سوات کے 3دن بعد وزیراعلیٰ نے تجاوزات کیخلاف آپریشن کی ہدایت کی۔ رپورٹ میں سیلاب سے پہلے اور بعد میں کی گئی تیاریوں اور واقعے کے بعد حکومتی اقدامات اور معطل افسران کی تفصیلات بھی فراہم کی گئی ہیں۔رپورٹ میں بتایا گیا ہے کہ واقعے کی تحقیقات میں محکموں کے افسران کو الگ الگ تفتیش کیلئے بلایا گیا۔ رپورٹ کے مطابق سانحہ سوات سے قبل کیے گئے اقدامات اور نظام میں موجود خامیوں کی نشاندہی کی گئی ہے۔ بارش کی پیشگوئی اور دفعہ 144کے نفاذ کے اعلامیے بھی عدالت میں جمع کرائے گئے ہیں۔ رپورٹ کے مطابق مون سون بارشوں سے متعلق پیشگی آگاہی پیغامات کے ثبوت بھی عدالت میں جمع کرائے گئے ہیں۔
