فرمان الہی
نماز کے اوقات
سیالکوٹ(نیوز ڈیسک)البرکہ بینک (پاکستان) لمیٹڈ نے سیالکوٹ میں اسپورٹس گڈز سیکٹر کے فروغ کے لیے اپنے پہلے پروڈکٹ ویبینار کا کامیاب انعقاد کیا، جس میں سیالکوٹ کے 70 سے زائد معروف اسپورٹس گڈز ایکسپورٹرز اور دنیا کے 12ممالک سے اسپورٹس گڈز امپورٹرز نے بھرپور شرکت کی۔ویبینار کی صدارت البرکہ بینک (پاکستان) لمیٹڈ کے پریذیڈنٹ محمد عاطف حنیف نے کی، جبکہ مہمان خصوصی کے طور پر اسپورٹس ایسوسی ایشن کے چیئرمین اور فارورڈ اسپورٹس کے سی ای او خواجہ مسعود اختر شریک ہوئے۔ اس موقع پر سیالکوٹ چیمبر آف کامرس اینڈ انڈسٹری کے عہدیداران، جن میں وسیم شہباز لودھی اور دیگر معزز شخصیات شامل تھیں، بھی موجود تھے۔اس ویبینار کا مقصد سیالکوٹ کے اسپورٹس گڈز ایکسپورٹرز کو دنیا کی نئی منڈیوں اور ممالک تک رسائی دینا اور برآمدات کو فروغ دینا تھا۔ اس اقدام سے مقامی صنعت کو تجارت کے نئے مواقع فراہم ہوں گے اور بین الاقوامی سطح پر پاکستان کے اسپورٹس گڈز کو مزید پذیرائی حاصل ہوگی۔البرکہ بینک (پاکستان) لمیٹڈ نے اس سلسلے میں ایک خصوصی ٹریڈ فنانس پورٹل بھی بنایا ہے، جس میں مختلف انڈسٹریز کے ایکسپورٹرز اور امپورٹرز کی مکمل تفصیل موجود ہے۔ اس پورٹل کے ذریعے ایکسپورٹرز اور امپورٹرز کو B2B کنیکٹیویٹی کی سہولت فراہم کی گئی ہے، جس سے انہیں عالمی منڈیوں تک براہِ راست رسائی اور نئے کاروباری روابط قائم کرنے میں مدد ملے گی۔یہ بات قابلِ ذکر ہے کہ اس سے قبل البرکہ بینک (پاکستان) لمیٹڈ جنوبی افریقہ، مصر، بحرین اور ترکیہ کے امپورٹرز اور پاکستان کے ایکسپورٹرز کے درمیان بھی کامیاب ویبینارز منعقد کر چکا ہے، جنہیں مقامی صنعتکاروں اور بین الاقوامی کاروباری حلقوں میں بھرپورسراہاگیا۔
