• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بٹ کوائن کی قدر 3 کروڑ 12 لاکھ 66 ہزار کی ریکارڈ بلندی پر

آج کا اخبار
اہم خبریں
23 مئی ، 2025
کراچی (نیوز ڈیسک) کرپٹو کرنسی دنیا میں ایک بار پھر ہلچل دیکھی جا رہی ہے، دنیا کی سب سے بڑی کرپٹو کرنسی بٹ کوائن کی قدر ایک لاکھ 11 ہزار ڈالر (3کروڑ 12لاکھ 66 ہزار) سے بھی تجاوز کر گئی۔سی این بی سی کی رپورٹ میں کوائن میٹرکس کے حوالے سے بتایا گیا کہ دنیا کی سب سے بڑی کرپٹو کرنسی بٹ کوائن کی قدر 3 فیصد بڑھ کر ایک لاکھ 11ہزار 529ڈالر ہوگئی۔کرپٹو پر نظر رکھنے والے ایسٹ منیجر کوائن شیئرز کے ریسرچ ہیڈ جیمز بٹرفل نے سی این بی سی کو ای میل کے ذریعے بتایا کہ بٹ کوائن کے بڑھنے کی متعدد وجوہات ہیں، جس میں امریکا میں کرپٹو کرنسی کے حوالے سے ریگولیشن اور ادارہ جاتی خریداروں کی طرف سے مسلسل دلچسپی لینا ہے۔دنیا کی سب سے بڑی کرپٹوکرنسی کی قیمت میں اضافہ امریکی ایکویٹی میں کمی کے باوجود ہو رہا ہے۔سوسو ویلیو کے مطابق رواں برس بٹ کوائن کی قدر میں 18فیصد سے زائد کا اضافہ دیکھا گیا ہے جبکہ سال کے آغاز سے پبلک لسٹڈ کمپنیوں کی پاس موجود بٹ کوائن کی تعداد میں 31فیصد کا اضافہ ہوا ہے، جس کی قدر تقریباً 349ارب ڈالر کے برابر ہے۔
اہم خبریں سے مزید