• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ای کامرس پر نئے ٹیکسوں نے مایوس کیا ہے، رہنما ٹیلی کام اور آئی ٹی سیکٹرز

آج کا اخبار
اہم خبریں
12 جون ، 2025
اسلام آباد(مہتاب حیدر)ٹیلی کام اور آئی ٹی انڈسٹری کے رہنماؤں نےکہا ہے کہ ای کامرس پر نئے ٹیکسوں نے مایوس کیا ہے،بجٹ میں ڈیجیٹل لین دین اور ای کامرس پر نئے ٹیکسوں کے انکشاف کے ساتھ، حکومت نے ملکی ریٹیلرز کے تحفظ کی طرف قدم بڑھایا ہے، لیکن کیش لیس معیشت کو فروغ دینے کے اپنے وژن کو متاثر کیا ہے۔ٹیلی کام آپریٹرز ایسوسی ایشن آف پاکستان کے چیئرمین عامر ابراہیم نے ایک ٹویٹ میں خبردار کیا کہ یہ اقدامات پاکستان کے کیش لیس معیشت کی جانب سفر کو سست کر سکتے ہیں۔دوسری جانب، ٹیلی کام اور آئی ٹی انڈسٹری کے رہنماؤں نے تشویش کا اظہار کیا کہ وزیر اعظم آفس کیش لیس معیشت کے لیے وژن تیار کر رہا تھا، لیکن بجٹ نے انہیں مایوس کر دیا۔انہوں نے نشاندہی کی کہ بہت سے بڑے ریٹیلرز اب بھی ڈیجیٹل ادائیگیوں کو قبول کرنے سے انکار کرتے ہیں تاکہ اپنی اصل آمدنی چھپا سکیں اور ٹیکس سے بچ سکیں، جو ظاہر کرتا ہے کہ ایسی سرگرمیوں کے خلاف نفاذ اب بھی ناکافی ہے۔ ان کا کہنا تھا کہ یہ خلا ٹیکس چوری کو جاری رکھے ہوئے ہے اور معیشت کو رسمی اور دستاویزی بنانے کی کوششوں کو نقصان پہنچا رہا ہے۔پاکستان سافٹ ویئر ہاؤسز ایسوسی ایشن (P@SHA) نے بھی مایوسی کا اظہار کیا اور خبردار کیا کہ آئی ٹی سیکٹر کے اہم مطالبات کو نظر انداز کرنا اور غیر مستقل ٹیکس پالیسیوں کا نفاذ برآمدات کی ترقی کو روک سکتا ہے۔
اہم خبریں سے مزید