فرمان الہی
نماز کے اوقات
نیو یارک شہر کے مضافات میں واقع ایک ہائی اسکول میں اس ہفتے کے آخر میں گریجویشن کے دن ہر چیز دہری نظر آئے گی، اس کی گریجویٹ ہونے والی کلاس کے تقریباً 500 طلباء میں سے 30 جڑواں ہیں۔
لانگ آئی لینڈ کے جان ایف کینیڈی ہائی اسکول کے کچھ طلباء ایک دوسرے کو کنڈرگارٹن سے جانتے ہیں، جہاں ان کے والدین ایک مقامی جڑواں کلب (Twins Club) کے ذریعے ایک دوسرے سے ملے، کچھ تو اب بھی ایک ساتھ خاندانی چھٹیوں کا منصوبہ بناتے ہیں۔
ان دنوں ان جڑواں بچوں کا ایک گروپ بھی ہے جس نے گریجویشن کا دن قریب آنے پر انہیں اپنی اس نئی شہرت سے نمٹنے میں مدد کی ہے۔
ایک طالبہ سڈنی مونیکا نے اس ہفتے کے شروع میں دیگر جڑواں بچوں کے ساتھ گریجویشن کی ریہرسل میں شرکت کرتے ہوئے کہا کہ سچ کہوں تو جب ہم ساتھ ہوتے ہیں، تو ماحول توانائی سے بھر جاتا ہے، ہم سب ایک دوسرے کے ساتھ بہت آرام دہ محسوس کرتے ہیں اور ہم سب کے مشترکہ تجربات ہیں، اس لیے ہم ایک دوسرے سے توانائی حاصل کرتے ہیں، یہ واقعی بہت اچھا ہے۔
مشترکہ خاندانی ناموں کے علاوہ ان جوڑوں کو پہچاننا شاید مشکل ہے، یہ جڑواں طلباء اتوار کو اپنی ہائی اسکول کی گریجویشن تقریب میں اکٹھے نظر آئیں گے۔
یہ تمام طلباء غیر یکساں جڑواں (fraternal twins) ہیں یعنی ان میں سے کوئی بھی بالکل ایک جیسا نہیں ہے، بہت سے جڑواں جوڑوں میں لڑکا اور لڑکی شامل ہیں۔
باری کوہن اس خزاں انڈیانا یونیورسٹی جا رہی ہیں، جبکہ ان کے جڑواں بھائی بریڈن کوہن یونیورسٹی آف پٹسبرگ جا رہے ہیں۔
باری کوہن کا کہنا ہے کہ الگ الگ یونیورسٹیوں میں جانے سے ہمارا رشتہ کم مضبوط نہیں ہوگا، خاص طور پر جڑواں لڑکے لڑکی کے بارے میں بہت سے لوگ سوچتے ہیں کہ یہ صرف بہن بھائیوں جیسا رشتہ ہے، لیکن یہ اس سے بڑھ کر ہے، کیونکہ ہم ایک ہی وقت میں ایک ہی طرح کے تجربات سے گزرتے ہیں۔
کچھ دوسرے طلباء تسلیم کرتے ہیں کہ اس کے پیچھے قدرت کے علاوہ بھی کچھ ہے۔
