• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایمیزون کے بانی ارب پتی جیف بیزوس اور سابق صحافی لارین سانچیز کی شادی کب ہوگی؟

آج کا اخبار
اہم خبریں
24 جون ، 2025
اسلام اآ باد ( رانا غلام قادر )ایمیزون کے بانی ارب پتی جیف بیزوس اور سابق صحافی لارین سانچیز کی ہونے والی شادی اس وقت توجہ کا مرکز بن گئی ہے۔دونوں مبینہ طور پر اگلے ہفتے شادی کریں گے جس کی توقع ہے کہ اٹلی کے شہر وینس میں منعقد ہونے والی ایک شاندار اور متنازعہ تقریب ہوگی جس پر تقریبا چالیس لاکھ ڈالر یعنی ایک ارب بارہ کروڑ روپے خرچ ہوں گے ۔ تقریب میں200مہمان شریک ہوں گے۔ گنارو نے تصدیق کی کہ یہ تقریب تیرتے شہر میں ہوگی، اطالوی روزنامہ کوریری ڈیلا سیرا کو بتاتے ہوئے کہ اس شادی سے "ہمارے شہر کے لیے لاکھوں یورو کے معاشی اثرات مرتب ہوں گے۔وینس اگرچہ محبتوں کا شہر ہے لیکن اس شادی کی تقریب نے اسے تقسیم کردیا ہے اور بعض شہری اس شادی کے خلاف احتجاج کر رہے ہیں اور وہ یہ سمجھتے ہیں کہ اس سے دوسرے سیاحوں کو پر یشانی ہوگی۔شادی کب ہے؟شادی 24 جون سے 26 جون تک ہوگی، سی این این نے برگنارو کے ترجمان کا حوالہ دیتے ہوئے رپورٹ کیا، حالانکہ کچھ رپورٹس میں 26 جون سے 29 جون تک جشن منانے کا دعویٰ کیا گیا ہے۔وال سٹریٹ جر نل کے مطابق شادی ایک " لمبے دن کی تقریب" ہو گی، اوراس شادی کی لاگت لاکھوں میں پہنچ جائے گی۔جرنل کے مطابق، بیزوس اور سانچیز مبینہ طور پر وینیشین جزیرے پر شادی کر رہے ہیں۔ چھوٹے شہر کا جغرافیہ 110 سے زیادہ چھوٹے جزیروں میں پھیلا ہوا ہے، تاریخی مرکز تقریباً دو مربع میل پر پھیلا ہوا ہے۔ تاہم، برگنارو کے ترجمان نے مارچ میں CNN کو بتایا کہ شادی بیزوس کی $500 ملین سپر یاٹ پر ہوگی جسے کورو کہا جاتا ہے۔
اہم خبریں سے مزید