• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یو ایم ٹی پاکستان کی پہلی اے آئی انٹیگریٹڈ یونیورسٹی بن گئی

میرا شہر
لاہور
15 جولائی ، 2025
لاہور ( نیوزرپورٹر) یونیورسٹی آف مینجمنٹ اینڈ ٹیکنالوجی (یو ایم ٹی)، پاکستان کی پہلی اعلیٰ تعلیمی درسگاہ بن گئی ہے جس نے مصنوعی ذہانت (AI) کو اپنے تعلیمی، تحقیقی اور انتظامی نظام میں مکمل طور پر مربوط کر کے ملک میں جدید تعلیم کے ایک نئے دور کا آغاز کر دیا ہے۔ یو ایم ٹی کی جانب سے AI کے جامع انضمام کے بعد یہ ادارہ عالمی معیار کی اُن یونیورسٹیوں کی صف میں کھڑا ہو گیا ہے جو تعلیم، تحقیق، تدریس اور انتظامیہ میں جدید ترین ٹیکنالوجی کو بروئے کار لا رہی ہیں۔اس موقع پرصدر یو ایم ٹی، ابراہیم حسن مراد کاکہنا تھا کہ ہم تعلیمی معیار کو بہتر بنانے کے ساتھ ساتھ اپنے طلبہ کو ایک ایسی دنیا کے لیے تیار کر رہے ہیں جہاں مصنوعی ذہانت نہ صرف روزمرہ زندگی بلکہ معاشی، سماجی اور فکری میدانوں میں بھی بنیادی کردار ادا کرے گی۔ ہم مستقبل کے چیلنجز سے نمٹنے کےلئے بہترین لیڈرز تیار کر رہے ہیں۔انکا کہنا تھا کہ یو ایم ٹی نے جدید ٹیکنالوجی کا فائدہ اٹھاتے ہوئے تعلیم، تحقیق اور سروسز کو نئی جہتوں سے ہمکنار کیا ہے۔
لاہور سے مزید