• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر اعلیٰ سندھ سے بلوچستان کے وزیر برائے لائیواسٹاک کی ملاقات

آج کا اخبار
اہم خبریں
22 جولائی ، 2025
کراچی ( اسٹاف رپورٹر) وزیر اعلیٰ ہاؤس میں بلوچستان کے وزیر برائے لائیواسٹاک سردارزادہ میر فیصل جمالی نے وزیراعلیٰ سندھ سید مراد علی شاہ سے ملاقات کی- ملاقات میں سندھ کے وزیر برائے فشریز و لائیواسٹاک محمد علی ملکانی بھی شریک تھے،سرکاری اعلامیہ کے مطابق اس ملاقات میں اعلیٰ نسل کے مویشیوں کے تبادلے اور دونوں صوبوں کے درمیان لائیواسٹاک کے شعبے میں تعاون بڑھانے کا فیصلہ کیا گیا۔دونوں رہنماؤں کے درمیان جیکب آباد میں مویشی میلہ منعقد کرنے پر بھی اتفاق ہوا جہاں وزیراعلیٰ سندھ مراد علی شاہ نے ذاتی طور پر شرکت کا عزم ظاہر کیا اور وزیراعلیٰ بلوچستان کو دعوت دینے کا اعلان کیا۔ انہوں نے دونوں صوبوں کے لائیواسٹاک محکموں کے درمیان مشترکہ تحقیق کی اہمیت پر زور دیا۔اس موقع پر سندھ کی تھری نسل کی گائے، ریڈ سندھی، کنڈی بھینس، کوہستانی اونٹ اور بکریوں جبکہ بلوچستان کی مشہور نسلوں جیسے رکھلی گائے، بھگانی بیل اور کوچی اونٹ کو دونوں صوبوں کے مویشی پال حضرات اور تاجروں میں متعارف کرانے کا فیصلہ کیا گیا۔
اہم خبریں سے مزید