• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تھائی لینڈ اور کمبوڈیا میں جنگ بندی کی کوشش کر رہا ہوں: ٹرمپ

تازہ ترین
بین الاقوامی خبریں
26 جولائی ، 2025

امریکی صدر ڈونلڈ ٹرمپ کا کہنا ہے کہ تھائی لینڈ اور کمبوڈیا کے درمیان جنگ بندی کی کوشش کر رہا ہوں۔

تھائی لینڈ اور کمبوڈیا میں سرحدی جھڑپوں میں 32 افراد ہلاک، 130 زخمی

تھائی لینڈ اور کمبوڈیا میں جاری سرحدی جھڑپوں میں دونوں اطراف سے مجموعی طور پر 32 افراد ہلاک جبکہ 130 زخمی ہوگئے۔

جاری کیے گئے بیان میں امریکی صدر ڈونلڈ ٹرمپ نے کہا ہے کہ اس حوالے سے تھائی لینڈ اور کمبوڈیا کے رہنماؤں سے رابطہ کر رہا ہوں۔

ان کا کہنا ہے کہ کمبوڈیا کے رہنما کے ساتھ ٹیلیفون کال ہوئی ہے، تھائی لینڈ کے مؤقف کی بنیاد پر دوبارہ کال کا امکان ہے۔

امریکی صدر ڈونلڈ ٹرمپ نے یہ بھی کہا ہے کہ تھائی لینڈ کے رہنما کو بھی کسی بھی وقت فون کروں گا، پیچیدہ صورتِ حال کو آسان بنانے کی کوشش کر رہا ہوں۔

بین الاقوامی خبریں سے مزید