• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شمالی وزیرستان میں ضلعی انتظامیہ کی جانب سے کرفیو میں توسیع

آج کا اخبار
اہم خبریں
28 جولائی ، 2025
میران شاہ(آئی این پی)خیبرپختونخوا کے ضلع شمالی وزیرستان میں کرفیو کے نفاذ میں توسیع کی گئی ہے۔حکام کے مطابق تمام مین شاہراہیں عام ٹریفک کیلئے بندہیں اور شہریوں کو غیر ضروری طورپر گھروں سے نہ نکلنے کی ہدایت کی گئی ہے۔ضلعی انتظامیہ کی جانب سے جاری کردہ نوٹیفکیشن کے مطابق اتوارسے پورے شمالی وزیرستان میں کرفیو نافذ ہے، کرفیو کا نفاذ صبح 5 بجے سے شام 7 بجے تک کے لئے کیا گیا ہے۔نوٹیفکیشن میں مزید کہا گیا کہ کرفیو کے دوران تمام مین شاہراہیں عام ٹریفک کیلئے بند رہیں گی، شہریوں سے اپیل ہے کہ غیر ضروری طور پر گھروں سے نہ نکلیں۔واضح ہے کہ سکیورٹی خدشات کے پیش نظر شمالی وزیرستان میں گزشتہ روز بھی کرفیو لگایا گیا تھا۔
اہم خبریں سے مزید