• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

موٹرے پر بس ٹائر پھٹنے کے باعث کھائی میں جاگری، 8 افراد جاں بحق، 18 زخمی

آج کا اخبار
اہم خبریں
28 جولائی ، 2025
راولپنڈی(نیوزڈیسک)موٹروے پر ٹائر پھٹنے سے مسافر بس کے کھائی میں گرنے کے باعث 8افراد جاں بحق اور 18زخمی ہوگئے۔ زخمیوںمیں بچے اور خواتین شامل ہیں جبکہ تمام زخمیوں کوہسپتال منتقل کردیاگیا۔پولیس کے مطابق واقعہ کی تفتیش کی جارہی ہے۔ترجمان موٹروے پولیس کےترجمان کے مطابق موٹروے ایم ٹو بلکسر انٹر چینج کے قریب ٹائر پھٹنے سے مسافر بس کے کھائی میں گرنے کے باعث 8 افراد جاں بحق اور 18 زخمی ہوگئے بس کا اگلا الٹی طرف کا ٹائر پھٹنے سے ڈرائیور بس پر قابو نہ رکھ سکا اور بس کھائی میں چلی گئی، اطلاع ملتے ہی موٹروے پولیس موقع پر پہنچ گئی۔نجی کمپنی کی مسافر بس اسلام آباد سے لاہور جا رہی تھی۔ریسکیو 1122کے مطابق جاں بحق اور زخمی ہونے والے 18زخمیوں کو ڈی ایچ کیو چکوال منتقل کر دیا گیا۔جاں ہونے والوں میں 35سالہ مسماتہ حبیبہ، 8ماہ کا بچہ حیدر محسن، ایک سالہ نامعلوم بچہ، 26سالہ ام حبیبہ محسن، 14سالہ بچی خدیجہ خلیق، 2سالہ بچی حرم خلیق، 45سالہ سردار ندیم اور 38سالہ منشا بیگم شامل ہیں۔معمولی زخمیوں کو موٹر وے پولیس اور ریسکیو سروسز نے موقع پر ابتدائی طبی امداد فراہم کی جس کے بعد انہیں ہسپتال منتقل کردیاگیا۔پولیس حکام کےمطابق واقعہ کی مزید تفتیش شروع کردی گئی ہے۔
اہم خبریں سے مزید