فرمان الہی
نماز کے اوقات
کراچی(اسٹاف رپورٹر) سندھ پولیس کے کاؤنٹرٹیررازم ڈیپارٹمنٹ اور حساس ادارے نےکارروائی کرتے ہوئے مبینہ طور پرعلیحدگی پسند تحریک کے 4 خطرناک ملزمان کو گرفتار کرلیا ،سی ٹی ڈی حکام کے مطابق گرفتارملزمان ٹرین کے ذریعے فرار ہونے کی کوشش کر رہے تھے جن میں محمد سجاد عرف شاوو، عبید علی عرف عبیدی، محمد عمیر اصغر اور شکیل احمد شامل ہیں، گرفتار ملزمان 18 مئی 2025 کو ضلع بدین میں ہونے والے قتل میں ملوث ، مقدمہ تھانہ بدین میں نمبر 117/2025 کے تحت درج تھا، واردات میں استعمال ہونے والا اسلحہ برآمد کرکے فرانزک کے لیے بھیجا گیا،ملزمان نے واردات سے قبل حیدرآباد میں قیام کیا اور مکمل ریکی کی،قتل کی واردات میں کالعدم علیحدگی تنظیم کے ملوث ہونے کے شواہد بھی ملے ہیں، ملزمان متعدد سنگین مقدمات میں مطلوب اور کالعدم دہشت گرد تنظیم سے وابستہ ہیں، گرفتاری تکنیکی شواہد اور انٹیلیجنس کی بنیاد پر ممکن ہوئی ،آئی جی سندھ کی جانب سے سی ٹی ڈی کی جانب سے کارروائی کرنے والی ٹیم کے لیے انعام اور تعریفی اسناد کا اعلان کیا گیا ہے۔
