• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محکمہ صحت کاسینئر افسررنگے ہاتھوں رشوت لیتے ہوئے گرفتار

میرا شہر
پشاور
01 اگست ، 2025
پشاور(جنگ نیوز)اینٹی کرپشن خیبرپختونخوا نے رشوت لیتے ہوئے محکمہ صحت کے ایک سینیئر افسر کو رنگے ہاتھوں گرفتار کر لیا ہے۔ مشیر وزیراعلیٰ برائے اینٹی کرپشن مصدق عباسی کو محکمہ صحت کے ڈپٹی ڈائریکٹر انٹرنل آڈٹ کے خلاف رشوت لینے کی شکایت موصول ہوئی تھی جس میں کہا گیا تھا کہ آڈٹ اعتراضات ختم کرنے کے لیے بیس لاکھ روپے رشوت طلب کی گئی ہے۔ مشیر وزیراعلیٰ مصدق عباسی نے شکایت کا سخت نوٹس لیتے ہوئے فوری کارروائی کی ہدایت کی تھی۔ جس پر ڈائریکٹر اینٹی کرپشن صدیق انجم کی قیادت میں کامیاب سٹنگ آپریشن کیا گیا اور ڈپٹی ڈائریکٹر انٹرنل آڈٹ محکمہ صحت، ظاہر شاہ کو دس لاکھ روپے رشوت لیتے ہوئے مجسٹریٹ کی موجودگی میں رنگے ہاتھوں گرفتار کر لیا گیا۔مبینہ طور پر ملزم ظاہر شاہ سیکشن آفیسر جنرل محکمہ صحت کے آفس میں رشوت کی رقم وصول کر رہا تھا۔ اینٹی کرپشن کی ٹیم نے ملزم ظاہر شاہ سے رشوت کی رقم برآمد کرتے ہوئے اینٹی کرپشن کے اسپیشل انوسٹیگیشن وِنگ کے حوالے کر دیا ہے۔
پشاور سے مزید