فرمان الہی
نماز کے اوقات
کراچی ( اسٹاف رپورٹر ) بلدیہ ٹائون میں ٹریکٹر ، ڈمپر اور شہزور ٹرک میں تصادم کے نتیجے میں ایک لڑکا جاں بحق ہوگیا ، حادثے کے ذمے دار تینوں گاڑیوں کے ڈرائیور موقع سے فرار ہوگئے، تفصیلات کے مطابق موچکو تھانہ کی حدود بلدیہ ٹائون رئیس گوٹھ مسقط سٹی کے قریب تیز رفتار ٹریکٹر ، ڈمپر اور شہزور ٹرک بے قابو ہوکر آپس میں ٹکراگئے ،جس کے نتیجے میں ایک 15 سالہ راہگیر لڑکا جاں بحق ہوگیا ، حادثے کے بعد شہزور الٹ گئی ، جاں بحق ہونے والے بچے کی لاش چھیپا ایمبولینس کے ذریعے سول اسپتال منتقل کی گئی ، پولیس کے مطابق جاں بحق ہونے والے بچے کی فوری طور پر شناخت نہیں کی جا سکی حادثے کے بعد تینوں گاڑیوں کے ڈرائیور موقع سے فرار ہوگئے تاہم پولیس نے شہزور کے کنڈیکٹر کو حراست میں لے کر تھانے منتقل کر دیا ۔
